Había tres anos que participara nesta proba e ficara
namorado da proba, do ambiente e da cidade. También ía participar o meu colega
Jesús, quen por cuestión maritais que non veñen ao caso explicitar, tamén gusta
especialmente desta proba.
Que contar? Pois una
experiencia curiosa, chea de dúbidas constantemente. A primeira foi sobre o
estado de forma. Hai tres anos tamén viña dunha gripe e decidirá saír con
calma, como no km 10 atopárame ben, forzara a marca para rematar en 1.25´. Como
estaría hoxe. Despois dun forte catarro e con poucos e malos adestramentos?
Aguantaría o ritmo de 4´/km?
O sábado chegamos ao xantar á Fortaleza. Logo en Viana
recollemos o dorsal, tiramos unha foto con Jesús Bernal, degustamos a
pastelería de Viana e camiñamos, entrando en moitas tendas, de regreso ao hotel
posto que como non paraba de chover decidíramos facer uso do SPA.
Boa sesión de relaxación. A auga continúa a caer polo que xa
ceamos no hotel. Pola tarde chegou Jesús, recolleu o seu dorsal, tomou una piza
e, tamén para o hotel. Pequeno almorzo contundente. Ledicia por atoparme cos
amigos do Praia de Carnota Runners. Tirada ata a liña de saída para atoparme
con Jesús. Foto.
Cun mínimo retraso iniciamos a proba. Estamos moi atrás. É
difícil pasar xente. Vexo como Jesús vai pola beirarrúa, axiña tamén fago o
mesmo e incluso cambio de carril. A pesar de todo o meu primeiro quilometro non
saíu demasiado mal: 4.15´´
No segundo quilómetro, con moita auga na estrada, fun
saudando aos amigos que ía adiantando (o pelotón dos Taninos con Edu e Rama,
entre outros, a Félix…) Estes mil metros xa saíron por baixo dos catro minutos.
Noto que unha zapatilla vai frouxa de máis. Sería posible que se volvera
desatar? Outra vez? Pasarei varios quilómetros moi pendente dela mais como o pé
foise hinchando esquecería de posible problema. Sigo pasando xente pero co
convencemento que íame custar moito manter o ritmo. Cando iniciamos a/s
subida/a, xurde outra dúbida: terei demasiado gastadas a sola das zapatillas?
Noto falta de agarre no asfalto. Sei que estas zapas están no remate da súa
vida (850 km) pero hoxe non era día de estrear as novas.
Son quilómetros en subida nos que me defendo ben pero xa me
van adiantando bastantes colegas. Non consigo facer grupo pero case nunca vou
so. Tras pasar o km 9 crúzome con Jesús. Creo que non vai moi ben pois calculo
que so me leva dous minutos. Paso o km 10 en 40.02. Non está mal posto que
foran uns quilómetros con moita subida.
Iniciamos o regreso. Trato de manter a cabeza ocupada para
que o cansazo non a derrote. Creo que baixo algo o ritmo. No km 12 dous colegas
de Vigo adiántame cada un por un lado. Falo con eles. Trato de aumentar o ritmo
e tirar con eles. Fago medio quilómetro por baixo do ritmo desexado mais axiña
iranme collendo uns metros. Intento que non se me vaian moito e que me sirvan
coma referencia. No km 15, chégame o cansazo e noto como un xemelgo ameaza con
cargarse. Danme gaña de afrouxar pero sorpréndome a min mesmo porque non o
fago. E tiro, tiro, tiro.
Imos baixando cara a Viana. Posicións moi estabilizadas.
Agora creo que paso a máis xente da que me adianta. Vou canso pero contento.
Non me creo que o corpo me aguante o ritmo que quere marcar a cabeza. Jesús
avisárame de que os tres derradeiros quilómetros faríanse moi longo (é un novo
percorrido para min; hai tres anos era outro). Cabeciña ben amoblada. Toca
sufrir. No km 19 o xemelgo esquerdo comeza a molestar seriamente. Outra dúbida,
terei que parar posto que a cargación comeza a seren preocupante? Cando collo a
alguén anímoo para que tire. Fágoo especialmente no último quilómetro. Tanto
animei aos que adiantaba que acabarán pasándome nos últimos metros.
Resultados: Jesús fai meta con 1.20.34´´ de 131 na absoluta
e de 21 na categoría. Eu entro en 1.24.34´´ de 241 de 26 na categoría. Saúdo e
abrazo con Jesús. Que grande. Sufrindo pero con 1.20. Como son os vascos,
carallo
Viana fica no coraçao.
Toño
No hay comentarios:
Publicar un comentario